Ka Diengiei Dorbar Area kaba kynthup iaki 23 tylli ki shnong hapoh ka Jingialam u General Secretary u Bah Hambert Thangkhiew ha ryngkat ka jingsynranlang ki nongkitkam bad ki dkhot ba kynthup ia u Vice President, u Secretary Transport, u President ki Tourist Association haka 7 tarik u risaw 2024 kila pynlong iaka jingleitjurip ia ka Surok ha Mawlaingut, Mawlaiteng shaduh Lawmei.
Ka jingleit jurip ka Diengiei Dorbar Area ia kine ki surok kadei namar ka jingsniew palat jong kine ki surok bad kaba kham pynsngewkhia eh iaki nongialam ka dei ka surok kaba iaid lyngba na khmat ka Diengiei PHC bad na khmat ka skul kaba ka surok kala long kum ka pung dohkha haka por lyiur kaba la buh shisha iaki khynnah pule haka jingeh bad bunsien kila shah sied ktieh haka por ba iaid ki kali.
Ki nongialam kila iathuh ba naka por shaka por kila ju pynsngew sha ka tnat PWD halor kane ka jingeh hynrei kim shem la patiaw satia bad mynta ka Diengiei Dorbar Area ka ai por syndon tang hapoh 2 taiew iaka tnat PWD ba kan pynbha ia kane surok bad lada ka tnat PWD kam leh ban leh eiei hapoh ka por ba la buh ka Diengiei Dorbar Area kan sa shim da kiwei pat ki synjam kiba kham eh bad haka juh ka por kila kyntu ruh iaka tnat PWD ba kan pynbha iaki surok kiba la sniew kiba don hapoh kane ka thain.
