Ka State Immunization Officer, ka Dr Badira Mawlong kala pyntip ba ki don ia palat 214 ngut kiba mih niangpyrsit ha ki 11 tylli ki jingkhie kynsan ka jingpang naduh u bnai Kyllanglyngkot haduh Nailar 2024.
Haba kren sha ki lad pathai khubor, ka Dr Badira kala pynpaw ka jingsngewkhia halor kane daka ba ong ba kane ka jingkhie kynsan ka jingpang kadei namar kiba bun ki kyntait ban ai injek niangpyrsit.
“Don ki khep ba ki shim tang shi injek bad ki kein noh ia ka injek kaba ar. Khamtam ha ka Jaidbynriew jong ngi, kaba ki ngeit ba u Niangpyrsit u dei u “Niang Blei” bad ba ngim dei ban pynthut ia u Khunlung. Hynrei ka jingshisha ka bor met jong u Khunlung kan tlot bha ha kane ka por bad u khniang un shim kabu ban trei tyngeh bad bunsien, ki khunlung ki ju iap namar ka jingshit met, pynhiar bad kaba poi ruh sha ka jingmatlah” la ong ka Dr Badira.
