21,900 ngut ki nonthep Vote na ïing, 5874 ngut kiba la dep thep ïa ka Vote

Ki don 21900 ngut ki nongthep Vote hapoh Meghalaya kiba thep Vote lyngba ka Form D ha kane ka ilekshon MP sha Lok Sabha 2024. Napdeng ki 21900 NGUT baka tnat ilekshon ka la aiti iaki Form D, 10180 ngut kidei ki nongthep Vote bala noh ka rta kiba la palat 85 snem (Senior Citizens) bad 11720 ngut ki briew ba duna dkhot met (PWD).

U Chief Electoral Officer (CEO) ka Jylla u Dr BDR Tiwari CEO ula pyntip ba haduh 4 tarik Iaiong, ka tnat ilekshon kala ioh pdiang 5874 ki Form D bala pynthikna ba kila dep ban thep Vote.
Lah ban kdew baka Election Commission ka India (ECI) naduh mynta ka sngi kala sdang ban pynlong ia ka jingpynthep vote ha ïing (Home voting) ia ki nongthep Vote ki bym lah ne bym kwah leit sha ki jaka thep vote (Absentee Voters). Ha North Garo Hills la sdang naduh mynta ka sngi bad kan bteng haduh ka 8 tarik u Iaiong.

Ka 7-Amlarem Assembly constituency kan sdang ha ka 12 tarik Iaiong bad ka jingthmu ka long ban pyndep hapoh ka 13 tarik Iaiong. Ka jingpynthep vote ha ïing ia ki Absentee Voters kaba hap hapoh South Garo Hills kan long ha ka 12 bad 13 tarik Iaiong. Ka jingpynthep vote ha Iing ha Ri-Bhoikan long ha ka 8 tarik Iaiong.

Ka jingpynthep vote ia ki Absentee Voters ha South Garo Hills kan long ha ka 6 tarik haduh ka 8 tarik Iaiong. Ka jingpynthep vote ia ki Absentee Voters ha East Garo Hills kan long ha ka 12 bad 13 tarik Iaiong. Ka jingpynthep vote ia ki Absentee Voters ha West Garo Hills kan long ha ka 8 bad 9 tarik Iaiong, 2024.