Ki Nongïalam ka Hynñiew-Trep Youth Council, Ribhoi District hynne ka sngi ka 30 tarik, Naitung 2024 ki la Shah khot hajir ha Khanapara Police Station bad Shah pynngat kyndon aiñ halor ka jingleit khynra kot sla ïa kawei ka karkhana Saiñ Jri “Resources Rubber Pvt. Ltd.” Kaba la pynïaid da u bar jylla kaba Don ha 11mer Mawsmai Ribhoi District. Kum ban shu pynkynmaw, katei ka jingleit Jong ka Seng Hynñiew-Trep Youth Council, Ribhoi District ban khynra kot sla na katei ka karkhana saiñ jri ka dei kaba la jia haka 22 tarik Naitung hakaba ka la don ruh ka jingïapyni ñia lyngba ka ktien namar ba u trai jong katei ka karkhana u la pyneh beit triang ban nym pyni ïa ki kot ki sla ha kaba u trai jong katei ka Karkhana u la pan ban pyni ïaka kot ba nangno ka HYC ka ïoh hukum ban khynra kot sla. Ha katei ka jingleit ban mih sha Khanapar Police Station halor ka jingshah khot hajir la lamkhmat da u bah Hercules Suting Kum u President ha kaba la ia synran lang ruh u bah Tonny Shylla General Secretary, G Mawlong Vice President HYC Sengkmie, u samla Shanbor Marweiñ Dkhot ka HYC sengkmie lem bad kiwei kiwei ki dkhot napoh ka District.
Haba kren sha ki lad pathai khubor naka liang u Bah Hercules Suting President ka HYC Ribhoi u la ïathuh, ba katei ka jingshah khot hajir kadei halor ka jingleit jong ki ban khynra Kot sla na ka Karkhana Saiñ Jri hakaba ki dkhot ka seng ki la shah pyngat haduh 6 ki kyndon ain hapoh ka Khanapara Police Station, ha kaba kitei ki kyndon ain ba ki la shah pyngat ki dei beit halor ka jingjia ba ki leit ban khynra Trading Licence ha Mawsmai. Utei u nongialam ka HYC u la ong ba kane ka jingshah khot hajir mynta ka sngi kan nym pynpjah ïaka mynsiem ban shakri paidbah hynrei kan nang ïai bteng ban leh ïa kum kine ki kam namar ba ka seng ka sngewthuh ba ka kam khynra kot sla ïaki dukan bar jylla kam dei ka kam tuh kam thim hynrei ka dei ka kam ban khanglad ia ki briew nabar ba kin wan sengkam sengjam, khlem da pynbiang ia ki kot ki sla.
Ka Seng ka ïeng skhem ruh ka seng ban dawa na ka District Council ba kan leh tyngeh ia utei u bar jylla uba pyntrei ia katei ka Karkhana sainjri, namar ka seng hi kan ym shong thait, hynrei kan iaibteng ban khynra ia kiwei pat de ki Karkhana ba la pyniaid da ki bar jylla, ba ki dei ban pynbiang ia ki kot ki sla. Utei u nongialam ka HYC Ri Bhoi, u la ong ruh ba kum ki nongïalam jong ka seng, kim don jjngsngew eiei halor katei ka jingshah khot hajir ha ki Pulit, namar ba ki dkhot ka seng kim shym la leh ia kano kano kaba bakla, hynrei ki leh ia kaba donkam bad kata ka long ban khanglad ia ki briew kiba nabar ba kin wan ban seng kam seng jam hapoh ka jylla jong ngi khlem kino kino kino kot ki sla kiba biang.
