Ki don haduh 736 tylli ki Case kiba la Register da ka Women helpline jong ka tnat Directorate of Social Welfare ka Sorkar Meghalaya naduh u snem 2017 haduh mynta u bnai Risaw 2024. Ha u snem 2024, ka Women Helpline kala ioh pdiang 60 tylli ki Case kiba dei ki jingshah lehbeiñ ha ïing ha sem, 18 tylli ki jingshah lehbeiñ online digital, 6 tylli ki jingshah lehbeiñ (emotional)/shah lehbeiñ, 26 tylli ki jingïakynad ha ka aiñ, 7 tylli ki jingeh beain ha ka koit ka khiah jong ki kynthei, 2 tylli ki jingshah thombor ha ka met, 63 tylli kiwei pat, 4 ngut ki kynthei kiba jah, 4 ngut kiba shah lehbein haki jaka trei/jaka paidbah, 1 shah lehbeain pher jaidbynriew, 1 ba shah pynkynriah jaka bad 1 ba shem jingeh ha jaka trei. Haba iadei bad ka jingioh pdiang jingujor daka Child Helpline, Ha u snem 2023-2024, ka Child Helpline kala ioh pdiang 142 tylli ki Case bad 9 tarik Nailar 2024 haduh 2025, ka Child Helpline kala khien kyllum haduh 315 tylli ki Case.
Napdeng kine 51 tylli ki case ki dei kiba iadei bad ka jingshah lehbein ki khynnah, 2 tylli ki jingshongkha khynnah, 8 tylli ki jingshah iehnoh khynnah, 1 tylli ki jingtrei khynnah, 11 ngut ki khynnah kiba jah, 15 ngut ki khynnah ba la lap, 3 tylli ki jingdih buaid/jingdih buaid bad 55 tylli ki case la pynbeit da kaba jop. Haba kren sha ki lad pathai khubor u Myntri ka tnat Social Welfare u Bah Paul Lyngdoh u la ong ba kane jingioh lum jingkhien daka Child Helpline bad ka Women Helpline kam mut b aka jingsniew ka iai kiew bad jyllei bha hapoh ka Meghalaya hynrei kadei hi namar ka jingiai trei shitom ka tnat Directorate of Social Welfare ban pynthikna ban lum lut iaki jingkhien bad ban ai jingiarap iaki lanot.
U Bah Paul u la ong ba lada peit iaki jingkhien ba ioh lum daka Directorate of Social Welfare, ki don haduh 90% ki Case ruh kiba la shah khang ne kiba ka tnat kala pyndep ban tian bishar.”Lada phi ianujor ia ka jinglong jingman mynta bad kaba la jia shi snem mynshwa, kan long ka jingiapher kaba khraw namar kham mynshwa ki briew ki kham sngewtynnad ban sngap jar. Ka jingbun eh kaba kin ai jingtip ka long ban leit sha ki rangbah shnong bad ki dorbar shnong, ki bym don ki don ki lad ki lynti ban ïakhun ïa kum kine ki case, ba ka la don ka jingpynsngewthuh kaba kham bun, ki briew ki nang wan shakhmat bad kumta ka jingdon jong ki case ruh ka la kiew,” u la ong.
