Africa Cup of Nations : Rung Semi ka Nigeria bad DR Congo

Ka DR Congo, watla ka la shah thep nyngkong ka la lah ban pynliem ia ka Guinea da 3-1 ban ioh rung sha ka semi-final jong ka 2023 Africa Cup of Nations.
U Mohamed Bayo u la ioh ban pynkhih jar nyngkong na ka bynta ka Guinea ha ka minit kaba 20 lyngba ka penalty hadien ba u rangialehkai khmat u la shah leh briew ne foul ha u Chancel Mbemba, uba hadien kane u la khyrwit ia ka bol kaba itynnat bha kaba la rung sha kol ban pyniakhaid hadien 7 minit, kaba u la thep ha ka minit kaba 27.
Ka DR Congo ka la ioh penalty sa ma ka ha ka kyllamiet bad u rangialehkai khmat ka Brentford u Yoane Wissa u la ioh ban pyntam da 2-1 ha ka minit kaba 65. Hadien kane thep sa u Arthur Masuaku ha ka minit kaba 82 ban pynskhem syndon ia ka jingjop.
Ka DR Congo ka la iakhaid baroh saw tylli ki jingialehkai ba la leit jong ki ha Ivory Coast, kiba la jop ia ka Egypt da ka penalty ha ka wat ba 16 bad mynta kin pynkhreh ia ka semi-final banyngkong, naduh ba kane ka kynhun ka la wan balai ha u 2015.
Ka DR Congo ka kynhun u Sebastien Desabre kan aireng ia ka semifinal kat kiba jop ha ka quarter-final ban iakhun hapdeng ka Mali bad ka Ivory Coast ba pynaiid ha ka sngi Balang.
Sa ha kawei ka jingialehkai ka kol ba la thep da u Ademola Lookman ha ka kyllastep ka la iarap ia ka Nigeria ban pynliem ia ka Angola da 1-0 ban ioh rung sha ka semi-finals jong kane ka 2023 Africa Cup of Nations.
U Lookman u la thep ia kane ka kol ha ka minit kaba 41.
Ka Nigeria mynta kan aireng pat ia kiba jop ha ka quarter-final hapdeng ka Cape Verde bad ka South Africa (20:00 GMT) ban iakhun ia ka semi ha ka sngi Balang.