Ai jinghikai bad symbai jhur ka BJP ia ki nongrep ha Markasa

Ka Meghalaya BJP Kissan Morcha, ka la ai jinghikai ia ki nongrep ha ka shnong Markasa bad la sam ruh ia ki tiar bad ia ki symbai jhur sha ki nongrep ba kin ioh pyndonkam ha ka kam rep ka jong ki. Katkum ka kyrwoh ba la phah da ka seng BJP Meghalaya ka la pyntip ba ka Kissan Morcha hapoh ka jingialam u President u Bah Ralden Bryan Shabong bad u Vice President Bah Durut Majaw, ki la pynlong ka prokram ai jinghikai bad la sam ruh ia ki symbai jhur bad ki tiar sha ki nongrep bad ia kane ka jinghikai la pynlong khnang ban btin lynti bad pyntbit ha ka rukom rep katkum ka juk mynta ban pynmih bun ia ka jingseisoh bad ban pynduna ruh ia ka jingduhnong ha ka rep ka riang.

Ia kane ka jinghikai la pynlong ha ryngkat ka jingiatreilang bad ka Central Government Institute and Agriculture Scientist bad la shim ruh ia ki jingai jingmut na ki nongshong shnong kane ka thaiñ ia ka rukom synshar khadar kaba dei ruh ka mat treikam jong ka seng BJP kaba thmu ban lum ban wad bniah ia ki lad ki lynti na baroh ki bynta jong ka ri India ban pynmih ki rukom treikam ban pynhun ia ka jingkwah bad jingkhmih lynti jong ki paid nongshong shnong.

Ka Meghalaya BJP Kissan Morcha ka la pynlong ruh ia ka jingai jingsumar ei na ka bynta ki khynnah ba hapoh 15 snem ha Umsaw bad la sam ia ki khusnam sha ki Nongjop bad la sam ruh ia ki jaiñ ialehkai ne Jersey bad la don ruh ka jingiabam ia dih sha sngewbha hadien ba la wai ka jingiakynjat bol ia kaba la kyrshan da ka C.R.Project bad Suraksha Medical Team.