Ka seng FKJGP-East Jaintia hills ka bajuh iai kner iaki jingiarap naka por sha ka por sha kiba donkam tam ka jingiarap sa shisien ka seng myn ha kane ka sngi saitjain ha ka 2/11/2024 hapoh ka jingialam u President ka seng bah Deihok Sumer ryngkat ka jingsynran ki Nongialam ka seng naduh u Vice president bah Welking Swer, u Information secretary bah Michal Chyrmang, u Asst Sports Secretary bah Ienglang Siangshai bad u General Secretary ka FKJGP-Khliehriat Circle bah Just Me Sana, ka seng mynta ka la ioh biang ban kner ia ki jingiarap sha kawei ka Lanot pluh iing jong ka kong Porpynsuk Dkhar ha ka Shnong Deiñsha Lalu kaba ha East Jaintia bad kitei ki Lanot mynta kim don iing don sem shuh bad ki hap ban sahlang biang sha la ka iing kmie, Kum ka jingpyn kynmaw kane ka jingjia ka jia haka 13/10/2024 hynrei Namar ki don ki daw bymlah kiar hapoh ka seng ba sa slem ban pynpoi ia ki jingiarap naka seng.
Hashwa ban aiti ia kitei ki song jingiarap la don ka jingialang kaba lyngkhot bala pyniaid da u president ka Seng bah Deihok Sumer haka jingkren utei u nongialam ula kyntu ia katei ka longiing ban pdiang iaki jingiarap jong ka seng watla kilong kiba rit ruh da kaba ai nuksa lada shi drop ka um ka lah ban pyndap iaka duriaw ula bynrap bad ula Ong ruh kine ki song ba ngi ioh ban iarap sha kane ka Longiing dei daka jingsbun mynsien ki Dkhot bad ki Nongialam ka seng ban ia pyllang bad kynshew kat kaba lah ban pynpoi iaki jingiarap sha ki Lanot ,la ioh ruh iaka jingkren na u Vice President bah Welking Swer uba la kylli iaki Lanot la kila sdang ne em ban Shna ia ka iing.
Thymmai jong ki na ka liang jong ki Lanot ki ong haoid la sdang bad mar hangta hi ka seng kala kular ban iarap pynpoi 10 byrni ka Cement khlem ka jingsiew ha kine ki shisngi arsngi ban wan bad la ioh ruh iaki jingkren na u Information secretary bah Michal Chyrmang uba la kyntu ia katei ka longiing ba kim dei ban duh jingkyrmen hynrei shaniah haka jingialam bastad jong u Blei khadduh la ioh iaka jing kren na ki Trai iing ka Porpynsuk Dkhar kaba ai ka jingiaroh iaka seng kaba lah ban ai ki jingiarap sha ka longiing jong ki bad ka pdiang Sngewbha iaki jingiarap jong ka seng bad kala kyrkhu kyrdoh iaka seng ba kin nang lah shuh shuh ban shakri Kum ka seng haka imlang sahlang kane kadei katkum u kyrwoh na u Information secretary ka seng bah Michal Chyrmang.
