Ki shipai iada khappud Border Security Force (BSF) jong ka 193 Battalion, ki la noh syniang sha ki 4 tylli ki shnong ba kynthup ka Purnanagar, Betgora, Khaikona bad Badrup ha East Khasi Hills District. Kine ki lad jingiarap, ki BSF ki la iarap lyngba ka skhim kum ka Civic Action Programme. Ia ki jingiarap la ai ha ki skul bad ia ki khynnah skul kiba don ha khappud bad ka Bangladesh, ia kane ka jingnoh jingiarap ia ki paidbah ha khappud la plie da ka long kmie kaba la tynmen tam hapoh ka shnong Puranangar.
Ha kane ka sngi la don lang u Rajiv Kumar Commandant jong ka kynhun 193 Battalion jong ki shipai BSF ba long u kongsan ha kane ka sngi, ka jingthmu ka long ban pynjan ia ka jingiadei ha pdeng ki shipai bad ki paidbah nongshnong shnong ha khappud. Ha kane ka sngi ki BSF ki la sam ia ki tiar ba donkam ha ki paidbah ka shnong Betgora, Khaikona, Purnanagar bad Badrup, ia ki skul la ai da ki kor computer, ki miej, bad ki tiar ialehkai ban kyrshan ia ka jingpule jong ki khynnah skul.
Ia kine ki tiar la sam ha ka jingiadonlang ki rangbah shnong, ki nonghikai, na ka liang jong ki shnong ki la ai khublei ia ki shipai BSF kiba ai jingkyrshan ia ki paidbah sha kitei ki shnong kiba donkam ia ka jingiarap.
+ There are no comments
Add yours