Ai jingmut u bah John ia ka Commision ban pynbiang jaka lehkai ha ki skul

Ka Meghalaya Education Commision ka la wer ia u Bah John F Kharshiing, Working President, Meghalaya State Olympics Association (MSOA) ha ka jingialang ban ai jingkren bad ai jingmut shaphang ka jingkynthup ia ka sports ha ka pule puthi na ka bynta ka jingmyntoi ki khynnah bad samla. Khnang ba yn lah ban ai jingmut sha ka Commision na bynta ka jingmyntoi hapdeng ka pule puthi bad ka sports ban pynshlur ia ki khynnah ban shim bynta naduh dang rit.

Haba ai jingkren halor ka “Education and Sports: A Balanced Approach” u Bah John F Kharshiing ula ong, ba donkam ban shaphang ka jingdonkam ka sports ban tei ia ka met, ka bor pyrkhat bad ki jinglong briew batei ia u briew shimet. Ha kajuh ka por, Bah John I la ban ia ka jingdon ka Meghalaya Sports Policy, 2019 bad Meghalaya Youth Policy, 2021. Khamtam ki bynta jong kine ki policy kiba ktah ia ka jingmyntoi ki ranglehkai bad samla.

Bah John F Kharshiing, Working President, MSOA I la ai ka copy jong ka presentation bad ka Meghalaya Sports Policy, 2019 sha ka chairperson ka commission, Professor SM Sungoh, (Head jong ka Education department jong North Eastern Hill University), ha ka jingdonlang kiwei ki dkhot ka commission.

Hadien ka jingkren bniah u Working President, MSOA ula buh hakhmat ka Meghalaya Education Commission ki mat ba kongsan ba ka commision ka lah ban pyrkhat ha ka jingphylliew jingmut ka commission. Kita ki mat ki long ban pynbiang ki jaka lehkai bad ban tip ki school lane ki institution aiu ba biang jaka lehkai, jingshim bynta ban lap ki khynnah donsap ha ka sports ka jylla, jingthung kam ia ki coach ba la don qualification, jingdon ‘physical education Teacher’ na ka bynta baroh ki 15,000 skul ha Meghalaya, jingdon ki sports specialist & professional, sports Psychologist, Physiotherapist, Masuers, Sports Hostel, Olympian na ka bynta ka sports science center, jingdon sports school ha man ka district, ban ai sports marks ia ki nonglehkai ba dang pule, job reservation na ka bynta kiba jop medal, jingkiew ha ka cash awards, jingpynbeit ia ka Sports University Acts, ka por ba la buh khnang na ka bynta sports ha ki skul, ka health checkup ba shisien shiteng snem lyngba ka MHIS ia ki khynnah skul, jingpynurlong ki sports program, jingwad bniah ia ka rukom leh ki ri Scandinavian kiba la lah ban pynheh pynsan ia ki khynnah ban triem ha ka pyrkhat pyrdain, bad jingai khusnam lyngba ka YESS Meghalaya na ka bynta ki skul club bad district, lyngba YESS Meghalaya program lah ban pynshlur ki jait jinglehkai sports ba kan khring ia ki khynnah bad ki kmie ki kpa ban shim ia ka sports kum ka lad kamai ja kpoh.

I Chairperson ka Meghalaya Education Commission Prof SM Sungoh, I la ai khublei ia ka MSOA na ka bynta ka presentation jong ki. I la ong ruh ba ki mat ba la kren in rah sha ka committee ba dei peit ia kane ka phang. Hadien kata, kin sa phah ki jingmut jong ki sha ka sorkar jylla.