Ka KSU Syad Unit ka la ai sngewbha da ki Tai skul sha ki khynnnah pule jong ka Syad Lyngdoh LP School ha ka 24 tarik u Iaiong 2024. Ka KSU Syad Unit ka la kner ia kine hapoh ka jingialam jong u samla Prosper Lyngdoh kum u President, samla Herliroy Suting (General Secretary), samla Philling Mooksha (Assist GS ), Eveningstar Kharsahnoh bad kiwei kiwei ki dkhot ka unit. Ha kane ka sngi la ia don lang ruh ki dkhot ka MC jong ka skul naduh u President ka MC, bah Donbor Marbaniang, secretary ka school ka kong Shimti Kharpuri, kaba dei ruh ka Head-mistress ha katei ka school bad ha ryngkat ka jing iadon lang ki Parents Representative. La pyniaid ia ka jingialang ba lyngkot da u president ka MC kum u shongknor bad la pdiang sngewbha ruh ia ki dkhot ka KSU Syad Unit bad ia baroh kiba la ia Don bynta lang ha katei ka jingialang.
Haba ai jing kren na ka liang u President ka KSU Syad Unit lyngba u samla Prosper lyngdoh u la kyntu ia ki khynnah ba kin minot thop ia ka kot bad ban kohnguh ia ka jing sneng ki nong hikai khnang ba kin lah ban pass kham bha bad ban long ki khynnnah ki ba stad bad ba shemphang. U la pynpaw ruh ba ki hep kiba rit ki long ka lawei jong iing ka sem, ka shnong ka thaw bad khamtam jong ka ri bad ka Jaitbynriew Hynniewtrep hi baroh kawei.
Na ka Liang ka skul haba ai jing kren lyngba ka head Head-mistress ka la pynpaw ka jingsngewnguh ia ka KSU Syad Unit bad ia ki nongialam ka KSU hi baroh kawei bad ka la ai ruh ka jing kyrkhu kyrdoh ban nang iai don ha ka met kaba koit ka ba khiah khnang ban lah ban nang iaitrei shitom bad ban leh shibun ki kam ba bha na ka bynta ka jingbha ki samla pule khamtam na ka bynta ka RI bad ka Jaitbynriew hi baroh kawei.
Ka la pyn-kynmaw ruh ba kumno ka Seng KSU ka juh don bynta bad ka skul da kaba leh ia ki kam ba bha ban iarap shna pynbha ia ki madan kamra skul, ka la pyn kynmaw ruh ba kumno ka Seng KSU ka long ka ba lah kloi ban iarap da ki tin tap tnum haba don ka jing lyngshop phria bad ka jing shah rong noh ki tnum kamra klas ha ka bor ka Mariang.
