Ha shwa ba ka balang Catholic Shnong Majong Ri Bhoi District kan ïoh ban rakhe ïa ka Jubilee Ksiar lane k jingdap 50 snem ka balang, katei ka Shnong mynta ka sngi ka la ioh ban pdiang ïa ka Mang tyngka ba T. 2 lak na u MLA ka Nongpoh bah Mayralborn Syiem lyngba ka skim SRWP 2023-24. U MLA ka Nongpoh Bah Mayralborn Syiem u la aiti ïa ka work order ha ka kti Jong u Rangbah Shnong bah Mathius Maring na ka bynta ban tei ïa ka Podium bad ka Bell Tower Jong ka Balang Shnong bad kine ki jingtei ki long ruh kum shibynta ban pynkhreh pynkrum ïaka jingrakhe Jubilee Ksiar Jong la balang kaba kin sa ïoh ban rakhe haka 9 tarik, Rymphang jong u snem 2025. Haba kren ha katei la jingïalang naka liang u MLA bah Mayralborn Syiem hakaba nyngkong eh u la Pynpaw ïaka jingsngew nguh ïa u blei naka bynta ka sngi kaba kyrpang hakaba la ïoh ban ïa don lang bad ki nongïalam jong ka Balang bad kumjuh jong ka shnong Majong lem bad ki longkmie ki longkpa kiba la ïa wan ban ïa donlang ha katei ka jingïalang.
U MLA ka nongpoh u bah Mayralborn Syiem u la kitbok kitwriang ïa ki nongïalam Jong ka balang bad ïa ki nongïalam Shnong ba kin dang lah ban ai ka jingshakri kaba bha tam ha katei la thaiñ lyngba ki jingthmu kiba bha ban nang kyntiew iaka burom jong u Blei. Shuh shuh u la ong ruh ba ka ka Balang Shnong Majong Ribhoi ka don haka lynti ban pdiang iaka jingdap 50 snem Jong ka Balang ha u snem ban wan bad kane kam dei ka kam kaba suk ha kaban pynbit pynbiang naka bynta ban pdiang ia katei ka Jubilee Ksiar.
U la ong ruh ba ki jingdon kam ki dang bun hapoh kane ka shnong khamtam ha kaba ïa dei bad u Surok uba poi shaduh kane ka Ïing Mane hakaba naka liang Jong u kum u Nongmihkhmat un nang treishitom ban pynurlong ïa kane ka kam ha shwa ban poi katei ka jingïaseng heh, u la ban jur ruh ba ngi dei ban long kiba ia tylli bad ngi dei ban don ka jingiatrei lang hapdeng ki Seng Kynthei, ki Seng Rangbah ha ryngkat bad ka shnong khnang ba ngin lah ban pyndep iaki kam jong ka balang haka rukom kaba itynnad.
