Ka Jaiñtia National Council (JNC) hynne ka sngi kala ioh ban iakynduh markhmat bad u Executive Engineer (EE) ka MePDCL Khliehriat Division halor ka jingduh bording kumba ar taiew tam hapoh ka shnong Sutnga khamtam ka Dong Wailong.
Ka JNC ka pyntip ba haba iakren bad u EE ka Khliehriat Division u la iathuh ba ka dawbah ka jingduh Bording kadei ka jingsniew jong u Transformer uba don haka Dong Wailong bad namar ka jingther palat u slap bad ka lyer kalah ktah bun ia une u Transformer.
Naka Liang ka seng haba pan jingshai badei ban shna ne bujli pat da uwei bad naka liang u EE ula iathuh naka liang Jong ka tnat ka MePDCL Khliehriat Division kala dep ban leh iakaba donkam kata ban phah iaka kaiphod sha ki bor kiba halor badei ban ai noh da u Transformer uba thymmai khnang ban ioh leh iakaba donkam eh hynrei haduh mynta ym pat ioh iaka jubab.
Shuh shuh u EE ula iathuh ba naka Liang Jong u, u lah dep ruh ban phah ka jingthoh sha ka office u Chief Executive Engineer naduh kine ki taiew ba lah dep hakaba iadei ban ioh da uwei pat u transformer ba thymmai hynrei haduh mynta ka kam ka dang sahteng ym tip nakaei ka daw.
Naka liang Jong ka seng ka buh ka jingkyntu kaba jur iaka sorkar bad iaki bor kiba halor kiba dei peit iakane ka kam ba kin sngewbha ban kitkhia bad ban leh ruh iakaba donkam tam, bad ym dei ban shu ai daw da kumtei da kumtai.
Kum ban shu pynkynmaw baka Dong Wailong haka shnong Sutnga kadei ka dong kaba don iaka jaka ai jingsumar kaba heh kata ka CHC bad kaba ai ruh ka jingshakri ym tang iaka shnong Sutnga hynrei iaki phew phew shnong kiba hap sha kito ki thaiñ bad ka jingduh bording da ki taiew kan ktah iaka jingtreikam jong ka jaka sumar.
Haba iadei bad kane ka seng kan iai buddien biang lada ka kam kam shym long satia kumba kadei ban long, khnang ban wanrah shisha iaka bit ka biang Jong u paidbah.
