Ka iing mane jong ka Balang Presbyterian kaba don hapoh ka shnong Mupliang West Jaintia Hills hynne ka sngi ka la shah bam duh ha ka ding.La iathuh ba kane ka jingjia ka jia ha ki por kumba 1:30 lane 2 baje shiteng mynstep jong ka 22 tarik.Ia kane ka jingjia la iohi nyngkong da ki briew kiba sah marjan bad mar mar ki la pyntip ia ki Pulit.
Naka liang ki Pulit ha ryngkat ki kali pynlip ding kila poi sha kane ka jaka bad la lah ban tem ia ka jingklang ka ding khnang ba kan nym klang sha ki iing kiba don ha syndah ka iing mane.Watla ka iing mane kala julor lut namar ka jingklang ka ding hynrei kam shym la don kano kano ka jingjia ba sngewsih ne mynsaw briew.
La iathuh ba ia kane ka iing mane dang shu dep shna ha u snem 2008 bad ka jngpynbha ia kane ka iing mane ka dang iai bteng bad kane ka iing mane mynta ka dang dap 15 snem. Watla ka jingtohkit ka dang iaid ban lap iaka daw ba pluh ding hynrei la suba ka lah ban dei na ka jingkem ding ba thut ka bording.
