New Delhi, Jylliew: Ka iing dorbar banyngkong jong ka Lok Sabha ba 18 ka la sdang hynne ka lah sngi U Blei da da ka jingbam smai ki dkhot ba thymmai ka iing Dorbar Parliament, kynthup u Myntri rangbahduh u Narendra Modi.
Hadien ka jingrwai national anthem bad ka jingkynmaw ieit ia ki dkhot ka iing kiba la khlad noh naduh ka sien shong dorbar ba khadduh, la jied ia u lamphang ba shipor ia u Bhartruhari Mahtab bad hadien bun sa ka jingbam smai Myntri Rangbahduh u Modi.
Ka dkhot ka kynhun liang pyrshah ka INDIA bloc ki la rah ia ka kot riti synshar (Constitution) katba u Modi u dang bam smai kum u dkhot ka Lok Sabha bad kum u Myntri Rangbahduh ha ka sien balai.
U nongialam ka Congress u Rahul Gandhi bad kiwei ki MP ka liang pyrshah MP ki pyni kopi jong ka Constitution ha Myntri Rangbahduh u Modi shwa ba un bam smai. Ha kajuh ka por u Myntri kam pohiing u Amit Shah ula ai ka jingiaroh ia u Modi.
U Rahul Gandhi bad u nongialam ka Trinamool u Kalyan Banerjee bad u nongialam ka Samajwadi Party u Akhilesh Yadav bad Awadhesh Prasad ki la shong shakhmat duh na ka kynhun liang pyrshah.
Ki Myntri sorkar kynthup u Rajnath Singh, Nitin Gadkari, Shivraj Singh Chouhan, Giriraj Singh, Sarbananda Sonowal, Piyush Goyal, Jyotiraditya Scindia, Bhupender Yadav, Kiren Rijiju, Mansukh Mandaviya, Pralhad Joshi, Dr. Jitendra Singh, G Kishan Reddy ki la bam smai kum u dkhot ka iing dorbar Lok Sabha.
Ha ka por, ba ieng u Myntri pule u Dharmendra Pradhan ban bam smai, ka kynhun liang pyrshah ban pynrem iaka jinglait tuh ki jingkylli ha ka eksam NEET (UG-2024), NEET (PG-2024), UGC-NET 2024.
Kumjuh ki Myntri ka NDA, u H D Kumaraswamy, Chirag Paswan, Ram Mohan Naidu Kinjarapu, Anupriya Patel ki la bam smai kum ki dkhot ka Lok Sabha.
Kumba 280 ngut ki MP ba thymmai ki la bam smai hynne ka sngi, katba 260 ngut ki dkhot ba dang sah kynthp u Rahul Gandhi na Conbngress bad kiwei kin bam smai mynta ka sngi ba-ar.
Ki MP ka BJP u Radha Mohan Singh bad Faggan Singh Kulaste ki la bam smai kum ki dkhot ba thymmai.
Katba ki MP na Congress, u K Suresh, DMK MP TR Balu bad Sudip Bandyopadhyay na ka TMC ki la jah rngai ha ha ka jingialang bam smai hynne ka sngi.
Kham shwa, ka President Droupadi Murmu ka la pynbam smai ia u nongialam ka BJP u Bhartruhari Mahtab kum Lamphang ba shipor Lok Sabha.
Ka la thung ruh ia u Suresh Kodikunnil, Thalikkottai Rajuthevar Baalu, Radha Mohan Singh, Faggan Singh Kulaste, bad u Sudip Bandyopadhyay ban iarap ia u Lamphang shipor ha ka jingpynsmai ia ki dkhot thymmai.
La iathuh ha ka 26 mynta u bnai yn jied ia u Lamphang ka iing dorbar Lok Sabha.
Ha sngi ba bud 27 tarik Jylliew, ka President Murmu kan shong dorbar bad ai jingkren ha baroh ki iing dorbar bad kan dorbar kan kut ha ka 3 Naitung.
Ha kane sngi sdang ka iing dorbar u Myntri Rangbahduh ka Ri, u Narendro Modi ula ai jingkren khublei kitbok ia baroh ki dkhot bad kular ka sorkar ban trei shitom ban kyntiew ia ka India bad ha baroh ki liang, la ioh ruh ka jingkren na u Myntri Parliamentary Affairs u Kiren Rijiju, u Anurag Thakur bad Kangana Ranaut.
