Ban pynduh jait ia ka Polio, kyntu ia ki RS, sengbhalang, nongialam ban iatreilang

Ka office jong u District Medical & Health Officer, East Khasi Hills, kan pynlong ia ka Intensified Pulse Polio Immunization Programme (IPPI) 2024 ha ka 4 tarik u Lber, 2024 naduh 9-5 baje janmiet, kane ka long ha baroh ar bynta ha ka district baroh kawei bad hadien yn leit rung iing  ha ka 5 bad 6 tarik Lber, 2024. T

Ka thong ba kongsan jong kane prokram ka long pynduh jaid ia ka jingpang jem syieng ‘Poliomyelitis’ bad ban ai dawai ia baroh ki khynnah hapoh san snem  ha ka District bad ha ka jylla baroh kawei. Kumta la kyrpad ia ki kmie ki kpa ban wan ialam ia ki khun ba hapoh 5 snem ka rta ha ki jaka ai dawai ha ki shnong jong ki.

La kyntu ia ki rangbah shnong, ki sengbhalang, ki nongialam niam bad kiwei ban iatreilang ryngkat ka tnat ka koit ka khiah ban pynlong ia ka prokram kaba jop khnang ba ki khynnah kin lait na u khniang jingpang polio bad ban pynduh jait ia kane ka jingpang.Ka jingpyrshang ka Sorkar ka long ban pynthikna baroh kin don ka tnum iing ba bha.