U Myntri ka tnat Social Welfare u Bah Paul Lyngdoh u la iathuh ba ka Sorkar Jylla kala pan ia ka jingiarap song pisa kaba T.600 klur na ka Sorkar Pdeng ban pynkhlain ia ka jingtreikam hapoh ka tnat. Ia kane u Bah Paul u la pyntip hadien ka jingleit jurip iaka Child Helpline bad ka Women Helpline hapoh ka ophis treikam jong la tnat Directorate of Social Welfare kaba don ha Lachumiere Shillong. Ha kane ka sngi u Myntri u la lum ka jingialang ruh bad ki heh ophisar ka tnat ban lum jingkhien iaki kam hapoh ka tnat khamtam haba iadei bad ka rukom treikam jong ka Child Helpline bad ka Women Helpline.
Haba kren sha ki lad pathai khubor, u Bah Paul u la ong “Ngi la buh ia ka jingtyrwa ia ka song pisa ba kot T.600 klur. Ki don ruh ki jingdonkam ia ngi ban pynbiang ia ka rukom treikam jong ki nongtrei hangne. Kiba bun kila trei kum ki nongtrei contract bad ki hap ban trei shitom bha. Ki hap ban shong miet, kito kiba hap trei mynmiet. Ngin pyrshang ban pynbiang ia ki jingdonkam na ka bynta jong ki khnang ba kin lah ban trei kham bha ia ka kam”.
U Bah Paul u la iathuh ruh baki kam hapoh ka tnat Social Welfare ki iatyllun lang bad 5 tylli ki Ministry ka Sorkar Pdeng namar kata, ka Sorkar Meghalaya kala pan jingiap naka Sorkar Pdeng ban nang pynkhlain shuh shuh iaka tnat hapoh ka Jylla.
