Ban pyrshah CAA, thang ki samla pule ka NEHU ïaka tyngshop u Modi bad Shah

Ki samla pule ka skulbah NEHUSU lem bad kiwei ki kynhun samla pule, kila thang iaka tyngshop u jong u Myntri Rangbahduh ka ri u Narendra Modi bad u Myntri ka tnat kam pohing u Amit Shah. Kane ka jingthang iaki tyngshop kadei naka bynta ban pynpaw ka jingpyrshah iaka rai jong ka Sorkar Pdeng ban iaid shakhmat ban pyntreikam iaka Citizenship Amendment Act (CAA).

Hashuwa ban thang iaki tyngshop, ki samla kila pyrta daki kyntien pynrem iaka CAA, ia u Myntri Rangbahduh ka ri u Narendra Modi, u Myntri ka tnat kam pohing u Amit Shah bad iaka Sorkar Pdeng.
U General Secretary ka NEHUSU u samla Banpynbiang Riang ula kynnoh baka jingtreikam jong ka CAA kan ktah iaka Demography jong ka thain shathei lammihngi (North East) namar kane ka ain ka pynshlur iaki poiwir ban ioh long nong shong shnong ba pura ka India.

Nalor kane ka NEHUSU ka pynrem ruh iaka VHP kaba la phah tuklar haka President ka Ri haba iadei bad ka jingjia ha Ichamati. Ka NEHUSU ka pynbna baka kyrshan iaki sengbhalang kiba ieng naka bynta ban iada iaka jinglong kyrpang ki paidbah bad ka Jylla Meghalaya.