U Chief Electoral Officer (CEO) ka Jylla u BDR Tiwari ula pyntip ka rai ban weng ia ka Model Code of Conduct (MCC) yn pynbna hi da ka Election Commission of India (ECI).
“Wat la ka jingniew Vote hapoh ka Jylla bad ha baroh kawei ka Ri kan kut mynta ka sngi hynrei halor ka jingweng noh ia ka MCC, na ka liang ka ECI kan sa leh ia kaba donkam” ula ong.
U CEO haba pynpaw ka jingsngewkmen ba ka ilekshon MP 2024 hapoh Meghalaya ka iaid beit khlem kano kano ka jingshah pynthut ula ong, “Nga kwah ban ai khublei ia baroh ki paidbah kiba la ia shim bynta ban pynneh ia ka synshar paidbah kata ban wan thep Vote ha ka MP ilekshon 2024”.
Ula pyntip ba ka Jylla Meghalaya ka la sakhi ka jingdon haduh 76.6 percent ka jingwan poi ki nongthep Vote kynthup 73.78 ha Shillong Parliamentary bad 81.37 percent Tura Parliamentary Seat bad kane ka dei ka jingwan iashim bynta kaba heh tam hapoh ka Jylla haba ia dei bad ka ilekshon MP.
“Nga kwah ruh ban ai khublei ia ki Pulit ka Jylla bad ki Pulit CAPF kiba la trei shitom ban pynthikna ba ka jingthep Vote bad ka jingniew Vote ka iaid beit iaid ryntih, khlem kano kano ka jingshah pynthut” ula ong.
