Ha ka jingbteng ban rat dyngkhong ia u drok napoh ka Jylla, ka Hynñiewtrep Youth Council (HYC) hynne ka sngi ka la ioh bat 10 ngut ki nongkhaii bad nongdih drok kynthup 2 ngut ki kynthei.
Ia kine la ioh bat na bynta jong ka Khyndai Lad, Iew Mawlong bad Motphrang.
Na ka met jong kitei ki 10 ngut, ka seng ka la ïoh ban kurup ia ki drok ba la thep bha poh ki jug ba rit ryngkat ki thyrnia injek drok bad naka liang ka seng kala thang syndon iaki drok bala ioh kururp.
Haba pynpaw ka jingsngewkhia halor ka jingjyllei u drok, u vice president ka HYC u Bah Donbok Kharlyngdoh ula ong “Ka long kaei kaei kaba sngewsih ba ki don bun ngut ki nongkhaii bad nongdih drok ha Sor Shillong kiba ioh iaid sahuh ha surok”.
U Bah Donbok ula ong b aka HYC kan iai bteng ban kynra naphang iaki nongkaii bad nongdih drok ha kylleng ka Nongbah Shillong.
“Ngi kyntu iaki kmie ki kpa, ki dorbar shnong, ki seng longkmie ban mih shakhmat ban iatrei lang bad ka HYC ha kane ka thma ban rat dkhong ia u drok napoh ka Sor Shillong bad napoh ka Jylla Meghalaya baroh kawei” la ong u Bah Donbok.
