Bteng ki BSF ban kurup shini ba thmu shalan sha Bangladesh

Ki shipai iada khappud Border Security Force (BSF) ki dang iai bteng ban khynra haki thain khappud bad kila ioh kurup 30,000 kilo u shini ba thmu shalan tuh sha Bangldesh. Haka 7 tarik mynta u bnai, ki BSF haka jingiatreilang bad Meghalaya Police kila ioh kurup u shini naki thain khappud jong ka South Garo Hills markhap bad ka Bangladesh.

Kane ka jingioh kurup kadei hadien ba ki shipai BSF lem bad ki Pulit ka Jylla hadien bala ioh jingtip kila pynlong ka jingkhynra haki bynta ki khlaw hapoh South Garo Hills.

Ia u 30,000 kili u shini la kurup na kawei ka ïing kaba don marwei hapoh khlaw kaba marjan bad kawei ka shnong. Ia u shini la aiti noh shaki bor Pulit ban leh iaka ba donkam.