U Myntri Rangbah ka jylla u Conrad K Sangma mynta ka sngi ula leit ban buh mawnongrim ban tei ïa ka Karkhana shna Musli Musla bad kiwei kiwei kaba la tip kyrteng ka “Organic Spice Industrial Unit (Prime Hub)” jong ka Eastern Ri Bhoi Organic Farmer Producer Company Ltd ha Bhoirymbong ïakaba la pynmang ha ka jinglut kumba 16 klur tyngka. Ha katei ka sngi nalor u Myntri rangbah ka Jylla la wan ban ïadonlang ruh da u Bah Damanbait Lamare MLA ka Umroi, u A Baranwal Deputy Commissioner ka Ri Bhoi, u Jagpal Singh Dhanao Superintendent of Police ka Ri Bhoi ki ophisar naku tnad sorkar bad naka ka tnad jong ka rep ka riang bad kiwei kiwei. Haba kren ha katei ka jingïalang naka liang u Myntri Rangbah ka Jylla u Conrad Sangma u la ai khublei ia baroh halor kane ka jingjop kaba kongsan bha bad u la pynpaw ïaka jing halor naba kane ka sngi ka long kum ka jingsdang ban ioh ban sdang ban tei noh ïa kane ka karkhana. U Myntri rangbah u la la ïathuh ruh, ba ha kine ki snem ba la leit noh, ka sorkar jylla ka la kyrshan ia ki kynhun Nongrep bapher bapher bad ki seng ïatreilang bapher bapher kiba don bynta haki kam nongrep bapher bapher bad lyngba kane ka jingtreikam lang ngi la lah ban pynbiang ki jait jingpynkhreh jingbam bapher bapher bad ki prokram bad ki lad ïarap ïaki nongrep.
U la ïathuh ruh ba ka sorkar ka la pynmih bun ki jaka karkhana pynmih pynmih jingbam ki la mih ha kylleng ka jylla. Nuksa, ha South Garo Hills, la lah ban buh ia ka jaka pynmih ïaka Jackfruit Processing Unit ha kaba ka sorkar ka la bei tyngka haduh kumba 15 klur bad la ïoh ban aiti sha ka seng treilang bad Kumjuh ruh ha ki katto katne ki jaka ha Ribhoi district. U Myntri Rangbah ka Jylla u la pynpaw ba ka sorkar ka dap daka jing sngewkmen shibun eh ia kane ka projek bad ngi sngewskhem ba ka kynhun kaba don shadien jong ka kiba leit ban pyniaid ia kane ka centre kan lah ban pyniaid bha ia ka bad ha kajuh kapor u la kyntu ruh ïa baroh ba ki dei ban buh beit ia u nongrep ha khmat bad kino kino ki jingeh kiba kum ki nongrep ki ïa kynduh ka sorkar ka long kloi ban ai jingkyrshan.
Shuh shuh u la kyntu ruh ba Ngi dei ban nang pynbha ia ki mar rep bad pynbha ruh ïa ki jingdonkam bapher bapher Bad katba ngi nang iaid shaphrang, kum ki nongrep phin sa nang ia kynduh ia ki jingeh shibun, phi lah ban don ki jingeh ha ka pisa, phi lah ban don jingeh ha ka kiwei kiwei pat, hynrei ynda ngi la sdang ia ka jingtreikam ban iaid shakhmat phin sa lah ban jop ia kita ki jingeh. U Myntri Rangbah ka Jylla u la kular ruh ba naka liang ka sokrar kan ai ïaka jing ïatreilang ban pynthikna ba kam jong ki nongrep kan ïaid shakhmat.
