Da 10 kol pynbam ki thei India ïa ka Bhutan, khur hattrik ka Devi bad Pooja

Ka kynhun ialehkai phutbol jong ki thei hapoh 19 snem jong ka India (India U-19 Women’s Team) ki la sdang ia ka jingiakhun jong ki ia ka SAFF U-19 Women’s Championship da kaba pynbam da 10-0 pyrshah ia ki thei Bhutan ha BSSSMK Stadium, Dhaka, Bangladesh hynne ka sngi Thohdieng.
Haba kut ka kyllastep ka India ka la tam da 4-0 ia ka Bhutan.
Ka Sibani Devi (8’, 19 bad 36 minit) bad ka Pooja (31’, 58’, 59 bad 90+4) ki la ioh khur hattrik ha kane ka jingialehkai, ka Devi ka la thep lai bad ka Pooja ka la thep saw kol, katba ka Sulanjana Raul (53), ka Menaka Lourembam (61) bad ka Arina Devi (73) ki la ia thep mar shi kol.
Ka jingiakhun ha kane ka sngi ka la long kaba lah shilliang, ha kaba ka India ka la khlain shaba palat ia ka Bhutan.
Ka India kan pynkhreh mynta ban aireng pat pyrshah sa ia ka Bangladesh ha ka sngi U Blei ka 4 tarik mynta u bnai Rymphang, ka jingialehkai kan sdang ha ka 6.30 pm bad yn pyni live ha ka Sportzworkz YouTube channel.
Ka kynhun India U-19: Ka Anika Devi (GK), Nitu Linda (c), Sonibia Devi, Sahena Th, Thoibisana Chanu, Viksit Bara, Pooja, Lalita Boypai (Menaka Lourembam 46’), Sulanjana Raul (Arina Devi 62’), Neha, Sibani Devi.