Ki Rangbah Shnong na kylleng ka Bri u Hynniewtrep ki la seng ia kawei ka kynhun kaba la jer kyrteng ka ‘Joint Action Committee (JAC) Ki Rangbah Shnong ka Bri U Hynniewtrep Rural Area’ haka jingialang kaba la long ha Damsite, Ribhoi District haka 10 tarik Nailar.
Ka jingthmu jong kane ka JAC ka long ban tem bad rat dyngkhong iaka jingtlot treikam ki skhim sorkar naduh ka jingpyllait iaka bainong, ki tiar ki tar bad jinglut jingsep jong ka MNREGS Scheme, ka jingsam bam haki Anganwadi Centre jong ki shnong bapher, ka jingeh haki khappud kum ha Block-1 bad Block-II kumjuh ki jaka khappud Bangladesh bad ka India.
Nalorkata kane ka JAC ka thmu ruh ban weng iaka jingeh jong ki paidbah naduh ki surok, ki lynti synkieng, ki jaka sumar kiba ki paidbah nongshong shnong ki mad ne iakynduh na ka por sha ka por nalor kiwei kiwei ki jingeh.
Ha kane ka jingialang, la jied Chairman ia u Bah Arminius Lipon uba dei u President jong ka Synjuk Waheh shnong Ri Jaintia bad Waheh shnong Pynthorlangtein, West Jaintia Hills District, la jied General Secretary ia u Bah Cleophas Bankerlang Syiem uba dei u Rangbah shnong jong ka Umbuda Ribhoi District.
La jied ruh iaki arngut ki Vice Chairman ba kynthup ia u Bah Banbuhai Makdoh uba dei u Chairman jong ka Synjuk Rangbah Shnong Ribhoi bad Rangbah shnong jong ka Mawrong Ribhoi District bad ia u Bah Rangsan Sohmat uba dei u Chairman jong ka Synjuk Ki Nongsynshar Shnong ka Bri U Hynniewtrep, Mawsynram Zone, East Khasi Hills District bad la jied Joint Secretary ia u Bah Tellme Phawa uba dei u Waheh shnong jong ka Sabahmuswang, West Jaintia Hills District.
Ki Founder Member bad dkhot EC jong ka JAC, ki long u Bah Besterfield Shylla Rangbah Shnong Pillangkata Ribhoi District, Bah Vicky Syngkli Rangbah Shnong Iewmawlong, Ribhoi District, Bah Henry Nongrum Rangbah Shnong Shakoikuna, Ribhoi District, Bah Bishar Shylla dkhot ka Synjuk Waheh Shnong Ri Jaintia, Bah J. Ramshon Rangbah shnong Mawkyndep Ribhoi District, Bah Reibor Makri Rangbah Shnong Mawkhan Ribhoi District, Bah Chanbha Chullet Secretary Shnong Pillangkata, Ribhoi District, Bah Armstrong L. Thongni Mawsynram East Khasi District, Bah Pynshailang Rapmai Rangbah Shnong Nongtrai East Khasi Hills District bad kiwei kiwei ki rangbah na kylleng ka bri u Hynniewtrep.
