Uwei u nongthoh khubor na Guwahati u Snehankar Chakraborty ryngkat bad arngut ki paralok jong u, ki la sdang ia ka jingleit kylleng kylleng ki jaka lyngba ka jingniah Cycle kaba la sdang naduh ka 22 tarik Nailar na Guwahati shaduh Sohra. Kane ka jingniah cycle jong ki na kawei ka jaka sha kawei ka jaka, ka long kum shi bynta ban ai ka jingpynshai paidbah halor ka jinglong jingman bad ka jingshongshngain ki nongthoh nonglum khubor khubor bad haba iadei bad ka jingktah halor ka jingkylla ka suinbneng.
Kine kiwei ki arngut kiba la shim bynta ha ka jingniah cycle ki long u Santanu Moram uba dang dei u khynnah pule bad u Rambabu Thakur uba dei uwei na kiba don ka sngewtynnad ban niah cycle. Haba kren sha ki lad pathai khubor ha Shillong Press Club, u Chakraborty, ula ong ba ka long kaba donkam ban iatylli ban pynsngew ia ka sur na bynta ban don ka jingdonkam ki nongthoh khubor kum ka baibam tymmen bad ka bai kynshew ban iarap haba don kano kano ka jingjia. U la ong ba katkum ka jingioh jingkheib jong u snem 2020, ki don palat 3000 ngut ki nongthoh khubor kiba la shah pyniap ha kylleng satlak ka pyrthei.
Katkum ka jingong u Chakraborty ula ong ba don kumba 99 percent ki nonglum ki nongthoh khubor kiba la shah pyniap hynrei kim shym la ioh ia ka jingithuh ia ka kam kaba ki la trei. Une u nongthoh khubor na Guwahati, ula ong, ” Ka jingniah cycle ka long na bynta ban pynsngewthuh paidbah halor ka jingkylla ka mariang.”
