Kum shibynta ban noh synniang ia kiba pang ba shitom bad ka ka imlang sahlang ha ka sngi Saitjain, ka Meghalaya Government Driver Welfare Association (MGDWA) ka la pynlong ia ka prokram ai snam ei ne Blood Donation Camp ha Pasteur Hills Blood Bank, Shillong. Ha kane ka prokram ki don 80 ngut ki dkhot ka MGDWA kiba la wan shim bynta hynrei kiba la ioh ban noh synniang ia ka snam ki don 32 ngut.
Ka Kong VR Syiem kaba dei ka Secretary jong ka sorkar jylla kum ka Kongsan, ryngkat bad ka Director of Health Services (MI) Dr F.V. Kharshiing bad Director of Health Services (Research) Dr W Kharlukhi kum ki symbud kongsan bad ka Dr C Budnah ka peit ia ka Blood Bank, Pasteur Lawmali. Ha kane ka sngi ki la pynkup burom ia ki dkhot jong ka MGDWA kiba la noh synniang ia ka snam jong ki ban iarap ia kiwei pat kiba donkam kyrkieh.
Ha kane ka jingialang la iadonlang ki nongialam ka MGDWA kiba kynthup ia u President u Bah C Syiemlieh bad u General Secretary ka MGDWA u Bah P Nongkynrih bad kiwei ki nongialam bad ki dkhot jong ka Association.
