U MLA ka 2- Jowai Constituency u Wailadmiki Shylla haka 23 tarik u Nailar, 2024 ula sdang iaka Youth Employment Survey (YES) -2024 naka bynta ki khun samla ba hap hapoh ka Constituency jong u, ha kaba lyngba kane ka Youth Survey un sdang ban shim jingkheiñ iaka jingthrang jingangnud ki samla bad kumjuh katno ngut kiba la pyndep iaki jait ai jinghikai bapher bapher khang ba un tip ha kano ka rukom un iarap iaki. Ka jingshim u Wailadmiki Shylla ia kane ka sienjam dei namar ba u iohi haki por bala dep iaka MLA skhim la juh ai paidbah da ka tin sop ïing, u shem namar ba ka dei kaba shu ioh ei ki paidbah khlem donkam ruh ki shim beit iaka hynrei ki shu buh kyndong pat. Haka jingsngew jong u u ong, ban ia kaba ai tin sop ïing naka bynta ban shu buh kyndong , nangne shakhmat dang lah ban ai jingiarap da ki tiar ki tar shaki samla bala pyndep training khnang ba kin ioh kamai kajih da kaba ieng hala ki jong ki kjat.
Nangta hadien bala dep ai jingiarap daki tiar un sa ai jinghikai kyrpang ruh iaki sa haba iadei bad ki buit kumno ban pyniaid iew iaki mar ba kila pynmih, kumno ban pynleit pynwan iaka pisa ba mih na kaba trei khlem da leh lutphut, khnang ban long ka kamai kaba iaidbeit iaid ryntih ban im jakpoh bad ban ioh iarap ha ïing ha sem. Shuh shuh u ong da kaba leh kumne wym tang ba la lah ban ieng haki kjat lajong hynrei wat ban ai kam ia kiwei. Katba ia kito bym pat pyndep kino kino ki jait training pat kiba la pynsngew iaki jingthrang jingkwah un sa iarap iaki kumno ban iaid lynti.
Haka jingiadei bad kane ka Youth Employment Survey-2024, ki samla ki lah ruh ban pyndap form lyngba ka Google Form.Ia kane ka Youth Employment Survey ula pynbna paidbah haka jingialang sam Certificates bad ai tiar sha ki 30 ngut kiba la pyndep iaka jingshah hikai haka sap trei Mistri Rural Masonry na Jaiñtia Institute of Technology daka jingkyrshan pisa ka Meghalaya State Skill Development Society. Haka jingialang bala pynlong ha Thomas Jones Synod College Jowai.
