Daka Annual Tree Lighting Ceremony sdang rakhe Christmas ka Courtyard By Marriott

Ka Courtyard By Marriott Shillong, ka la rakhe ia ka aiom lehkmen da kaba ka la pynlong ia ka Annual Tree Lighting Ceremony ne ka jingpynmeh ia ki light ba la pynpur ha u dieng ha ka sien ba nyngkong ha ka rukom kaba i shongkhia. La pdiang sngewbha ia kito kiba la iawan ban iadon ryngkat da ka khmat phuh samrkhie, bad pynlong ia kane ka janmiet kaba sngewtynnad bad la pynkylla dur ia ka ne ka jaka ba kan i iahap bad ka jaka khriat, ha kaba la don ruh ki light kiba phyrnai, ki jingbuh pynitynnad, bad u dieng khristmas uba la pynieng hapdeng. La pyndait bad pynpur ia une u dieng, da ki jingwad kiba phyrnai, bad une u dieng u la ieng kum ka dak jong ka jingkyrmen bad ka jingiatylli na ka bynta kane ka aiom lehkmen kaban wan bad ha kane ka sngi la sakhi ia ka jingiadonlang da u Myntri Rangbah ka Jylla u Conrad Sangma, u Myntri ka tnat Tourism u Bah Paul Lyngdoh, u CS u Bah D P Wahlang, ka DC ka East Khasi Hills ka Kong R M Kurbah bad kiwei kiwei de. Ka jingktik ne pynkhih mynsiem ha kane ka janmiet jong ka jingrakhe ka long ka jingangnud ban iohi ia ka jingpynmeh ia ki light ba la pynpur ha u dieng, ha kaba baroh ki briew ki la iawan lang ban niew ia ki minit kiba khatduh ha shwa ban pynmeh ia ki light.

Ka jingdon jong une u dieng ia uba la pyndait da ki light kiba i tynnad bad i shongkhia, ka jingmeh jong ka light ba shat rong ksiar ka la pynshoh biej ia ka mynsiem jong baroh kaba long ruh ka jingkyrpang jong kane ka aiom shuti. Ka mat pdeng jong ka jingrakhe kata, “Night Under the Stars,” ka la nang pynsngewtynnad shuh shuh, bad ai mynsiem ia ki nongiashim bynta ba kin klet shwa ia kiei kiei, bad khmih sha suin bad ngam ia lade sha ki jingkmen jingiphuh i phieng jong ka aiom. Kane ka jingrakhe ka long kum ka jingbtin lynti, kaba wanrah ia baroh ki briew na ki bynta bapher bapher ban iatylli, ban ngam ki jingmut jingpyrkhat sha ka jingphuh jingphieng jong ka aiom shuti, bad pynlong ia kane ka jingrakhe hapoh jong ka jingthaba jong ki khlur ha ka por mynmiet ha sahit bneng ha Shillong kaba sah kynmaw.

Shuh shuh ha kane ka janmiet la don ruh ka jingiadih sha sngewbha, ha kaba bun jait ki jingbam la buh ban bam kum ka ‘Plum pudding’, ‘Sugar glazed cinnamon cookies’, ‘Carrot bad raisin cake’ , ‘Gingerbread cookies’. Nalor kine ki jingbam thiang, ki nongshah khot sngewbha ki la ioh ruh ban bam ia bun jait ki jingbam ba bang kum U ‘Gouda Croquette bad don bad u berry compote’, ‘Beer batter fish bad lemon aioli’, ‘BBQ Chicken’, ‘Sautéed Prawns’, ‘Wild mushroom Vol Au Vent’ bad kiwei kiwei. La iohi ba ki khynnah ki la ioh lad ban iakynduh ia u phadar khristmas ne Santa Claus, kiba la pynsngew ia ka jingthrang jong ki, bad ki la ioh ruh ia ki jingai sngewbha kiba rit. La bteng shuh shuh ia ka jingrakhe da ka jingtem bad ki jingrwai bad la don ruh ia ka jingshad kyrpang, kaba pyntikna ban pynlong ia kane ka janmiet baroh kawei kaba sngewtynnad. Ha kane ka sngi jong ka jingthang ia ki light ha u dieng khristmas ha ka rukom kaba I shongkhia ne ka Christmas Tree Lighting ha Courtyard by Marriott Shillong, U Tushar Nagar, General Manager, Courtyard by Marriott Shillong, u la ong, “Ngi sngewshong shit haduh katta katta ban pdiang ia baroh sha ka Tree Lighting Ceremony ne ka jingpynmeh ia ki light ba la pynpur ha u dieng Khristmas ha Courtyard by Marriott Shillong.