Dang tohkit ki pulit halor ka jingkynnoh dawa pisa ka HNLC bad pynim biang ia ka GNLA

Ki pulit ka jylla ki dang pynlong ka jingtohkit halor ka jingkynnoh dawa pisa ka seng HNLC  lyngba ka WhatsApp, katba ki heh ki pulit ki dang bun kam ban tohkit ha Garo Hills halor ka khubor ba saphriang ha ki social media ban pynim biang ia ka seng GNLA. Haba kren ha ki nongthoh khubor, Director General of Police u LR Bishnoi ula ong ba ka cyber wing ka dang tohkit bniah halor ka jingkynnnoh sam shithi dawa pisa ka HNCL ia ki nongshong shong lyngba WhatsApp.

“Ngi la shaniah ia kane ka kam ia ka cyber wing, hynrei ngi kyrpad ia ki briew lada ki ioh ia ki shithi dawa pisa ki dei ba kin pyntip mardor sha ki pulit mardor” ong u DGP. Ka tyllong khubor ka iathuh, ba katto katne ki la dep siew pisa sha kito kiba phah messeng, katba kiwei pat kim don jingtip eiei kumno ban leh namar ka wan lyngba ka monile number na Bangladesh.

Halor ka khubor ban pynim biang ia ka GNLA, u DGP ula ong ba u IG u don ha Garo Hills ban peit ia ka jinglong jingman bad ban twad jingmut na ki paidbah. “Ka khuhor ka saphriang ha ki rynsan social media hynrei ngi donkam ban pynshisha bad ngi ki dang pynlong ka jingtohkit halor kane kam”, u la ong bad pan jingkyrshan na ki briew.