U Symbud Myntri Rangbah uba khmih ia ka tnat kam pohiing (Police) u Bah Prestone Tynsong ula ong kam don satia ka jingduna ki bor pahara ha ki thain khappud bad ka Ri Bangladesh.Kane ka wan hadien ka jingshah kynnoh ba ka don ka jingtlot ka rukom pahara ki shipai BSF hadien ka jinglap ia ka metiap u Ishaque Ali Khan Panna u General Secretary ka Awami League Party.
Haba kyntait iaka jingshah kynnoh u Bah Prestone u la ong “Ka jingpynjari curfew miet ha ki thain khappud bad ka Bangladesh ka dang bteng tad haduh da pynbna da ku meri pat”. U Bah Prestone u la pyntip ba ka Sorkar Jylla kala dep ban bthah ia ki tnad Pulit bad ki shipai BSF bad kin long ki ba peitngor bha bad ban pynthikna ba kan ym don ka jingrungtuh sha ka u pud u sam ka Meghalaya.
U la kubur ruh baka Sorkar Jylla ka don hapdeng ka jinglyngngoh ba iaka metiap u nongialam ka Awami League Party la lap hapoh u pud u sam ka Meghalaya haki thain East Jaintia Hills.
