Dawa ka liang pyrshah MLA ban thaw ‘Inquiry Commission’ halor ka skhim JJM

U MLA Congress na Umsning konsitwensi u Dr Celestine Lyngdoh ula dawa ba ka sorkar ka dei ban thaw da ka ‘Inquiry Commission’ halor ka jingpyntreikam ia ka skhim sam umbam ka Jaal Jeevan Mission (JJM) ha  jylla Meghalaya. Haba wanrah ia katei ka mat ha ka iing dorbar u Dr Celestine ula ong, ba ka jingpyntreikam ia ka skhim JJM ha jylla kam biang katkum ki kyndon ba ka sorkar ka angnud ban ai um man ki thliew iing ia ki paidbah nongshong shnong ka jylla.“Baroh ki dkhot ka iing, nga ngeit ki lah ban don la ka jong ka jingsngew halor ka jingpyntrei kam ia ka skhim JJM, kaba ki lap ha ki konstitwensi jong ki,” ula ong.

U Dr Celestine ula ong, la lap ki don shnong ba pyntrei ka ka skhim JJL la ai da ki pipe plastik bad kine ki pipe tang ki ing noh na ka jingthang khlaw ha ki por ba rang ka mariang, bad ki nongshong shnong kim ioh umbam shuh. Ula bynrap shaei ki nongshong shnong kin ioh umbam umdih lada ka jingpyntreikam kam biang, bad la ar tatien ia ka jingyntrei ia ka skhim JJM ban pynpoi um ha man ki tyngkong iing ka ban neh junom lada ym don ki tyllong um kiba biang.

U Dr Celestine ula ong, ki shnong kim lah ban buh nongiasaid ain man ka shnong ban ujor sha ka Lokayohta, halor ka jingbym biang ka rukom pyntreikam ia ka skhim JJM ha Meghalaya, kumba la paw ba ka seng ha ri lum Garo Hills ka la ujor sha ka Lokayokta, hynrei kiwei ki shnong kim don nongbishar ban leit ujor sha Lokayokta. U Dr Celestine u la kyntait ia ka jingkyrpad u Lamphang ka iing ban weng noh hadien ba u myntri ka tnat PHE u Marcuise Marak ula pynshai halor ka rukom pyntreikam ia ka skhim JJM kaba dangiaid mynta ha ka jylla.