Ka War Jaiñtia Student Student (WJSU) haka 26/09/2024 lyngba ka shithi ba kala phah sha u project manager ka National Highways & Infrastructure Development Corporation Limited (NHIDCL) Regional office Shillong, kala dawa ba dei ban sangeh mardor ka jingbret khyndew shapoh ka wah Umngot bad ruh ban maramot iaka lynti iaid kjat kaba la pynduhnong ia kiba bun ki shnong hadien ba kala shah pynjulor naka jingpyntrei iaka Shillong Dawki road project.
Ka seng kala ong ba ka jingleh ba kum kane kam dei tang ba shahktah ka mariang hynrei ka jingpynjot pynpra iaki lynti paid kjat bala tei naduh mynbarim kala pynduhnong ruh iaki briew ba shong ba sah ha Amkoi, Nongbareh, Khonglah Kudengrim, Darrang bad Shnongpdeng kiba juh pyndonkam pateng la pateng naka bynta ban leit iew leit hat ban poi sha Dawki.
Kumta ki kyntu ba haba pyntrei ia kane ka project dei ban peit ruh ha baroh arliang kata ban pynbiang iaka jingdonkam u paidbah bad ban iada iaka mariang.
