Ki nongshong shnong naka thain Nartiang East Jaintia Hills hynne ka sngi kila dawa naki bor ka ain ban thwet bad ban pynshitom iaki briew ba kawang Petrol Bom iaka ingsah u Symbud Myntri Rangbah ka Jylla u Bah Sniawbhalang Dhar. Haba kren sha ki lad pathai khubor u Bah Mutshwa Thabah uba dei ruh u Rangbah Shnong ka shong Sohphoh ula ong “Kum ki nongialam naka thain Nartiang ngi pynpaw ka jingpyshah jur iaki riew shim kabu kiba la kawang Petrol Bom iaka ingsah u Symbud Myntri Rangbah ka Jylla u Bah Sniawbhalang Dhar”
U Bah Mutshwa ula ong ba kum ki nongshong shnong ki dap jingsngewsih ba khraw namar lada ki riew shim kabu ki la nud ban thombor iaka ingsah u nongmihkhmat, kane kan pynshong syier iaka jylla baroh kawei. Ula ong “Kum ki nongshong shnong ka Constituency ngi sngewrem halor kane ka jingthombor ki runnar iaka ingsah u nongmihkhmat ha kaba ula mihkhmat haduh 4 sien iaka Nartiang constituency”,
Nalor kane ula ong ba kane ka jingleh ki runnar kadei tang ka jingniewbeiñ namar kat ia u nongmihkhmat uba la khmih bad la peit iaka shnong un ngat ha kum kine. “Ngi kyntu iaki bor jong ka ain ban leh iaka ba donkam ban thwet iaki ba donkti bad ban pynshitom katkum ka ain” ula ong.
