U MP ka Shillong konstiwensi u Dr Ricky AJ Syngkon ula kyntu ia u Vice chancellor ka NEHU u VC Shukla ban pynthikna ba ka jingthungkam hapoh kane ka skulbah ha ki kam bym dei nonghikai, ka dei ban pyniaid hi ka skulbah NEHU. “Nga kyntu ia u VC ban pynthikna ba ka jingthungkam hapoh kane ka skulbah ha ki kam bym dei nonghikai, ka dei ban pyniaid hi ka NEHU khlem da donkam ban pyniaid kiba nabar bad ia ki kam dei ban mang kyrpang ia ki trai shnong ka Meghalaya,” ong u Dr Syngkon ha ka shithi ba la phah sha u VC ka NEHU.
U Dr Ricky ula ong ba ia ka NEHU la wanrah na bynta ban ai ia ka jingshakri ia ki paidbah riewlum ka thain shatei lammihngi ka India. Ula ong ba ka jingpyniaid ha NEHU kam dei ban leh hi da uno uno u riew shimet hynrei dei ban iaid katkum ki ain ki kyndon jong ka skulbah NEHU.
U Dr. Ricky ula kyntu ruh ia u VC ban pynbeit noh ia ka jingai wai dukan sha ki samla trai shnong kaba dang sahteng haduh kine ki sngi.
