Ka Hynniewtrep Achik National Movement (HANM) hynne ka sngi kala leit ban buh daka dorkhas shaka Director General of Police (DGP) ka Kong Idashisha Nongrang ban ujor halor ka jingioh rung ki nong Bangladesh sha India lyngba ki thian Danngar bad Balat East Khasi Hills. Ha ka jingthoh ka seng kala kdew ba ki don ki briew kiba don kti ban pynrung ia ki nong Bangladesh da kaba shim pisa haduh T.10,000 marwei ban pynrung sha India.
Haka jingiakynduh bad ka DGP, ka HANM kala ban jur ba dei ban leh ei ei kloi ia kane. Ka seng kala dawa ruh na ka DGP ba kan khot hajir ia ki shipai BSF kiba peit ia ki khappud bad ka Bangladesh ban pan jingshai na ki halor kane ka jingwan kiew ki khar Bangladesh da ka jingiatreilang ki riew shim kabu.
Ka HANM kala kyntu ia ka DGP ba kan pynkloi ia ka jingiathung kam ia ki samla ha ka tnat Pulit ba kin lah ban ai ka jingpahara kaba kham khlain namar lada ka jingwan ki briew na bar ri kan dang kiew lah ban duh noh ruh ia ka bor synshar ynda kila ia bun paid.
