U Bah PT Sawkmie, MLA barim u ong ba donkam ka jingiatrei lang hapdeng u myntri rangbah ka jylla, u Conrad Konkal Sangma, ki arngut MP, (uba na Shillong bad na Tura) bad kine kin lah ban pynurlong ia ka Inner Line Permit (ILP) bad ban pynrung ia ka ktien Khasi bad Garo ha ka khyrnit baphra jong ka constitution ka ri India.
“Ngim dei ban klet ba ka resolution ba la pass da ka state assembly jong ngi bad ki hynriew phew ngut ki MLA ban dawa na ka sorkar India ban pyntreikam noh ia ka ILP bad ha kajuh ka por ban ithuh noh ia ka ktien Khasi bad Garo ban pynrung noh hapoh ka riti synshar ka ri India,” ong u Bah Sawkmie ha ka jingiakren bad ki lad pathai khubor
U bynrap, “Ka sengbhalang kum ka Khasi Students Union bad baroh ki sengbhalang ha ka jylla da kawei ka sur ki dawa ba ngi donkam ia ka ILP, hynrei ka sorkar India ka set mynthi ka shkor.”
Ka por ka la poi ba ka sorkar ka dei ban shimkhia biang ia kane ka issue, kumba ka la shimkhia ha ki San snem mynshwa, pynkut u bah Sawkmie.
