Ha Assam yn ïakhun ka Meghalaya-Mizoram ïa ka Semifinal ka Ranji Trophy

Ka Meghalaya kan iakhun pyrshah ia ka Mizoram ha ka semifinals jong ka Ranji Trophy plate group naduh ka lashai ka sngi Thohdieng bad kin ialehkai ha Mangaldai, Assam. Ka Meghalaya ka la wan baar ha ka jingialehkai ia ka league, hadien ka Hyderabad – katba ka Mizoram ka don ha kyrdan balai.Baroh, ka Meghalaya ka la jop lai tylli ki jingialehkai bad rem ar tylli kiwei, ha ka Hyderabad bad Mizoram.  Ka Mizoram ka la jop ia ka Meghalaya da 191 runs ha madan jong ki ha Anand, Gujarat.

Ka Senior Men’s Selection Committee jong ka Meghalaya Cricket Association (MCA) ka la dep jied 15 ngut ki rangialehkai bad ki standbys ban mihkhmat ia ka Ranji knockout.Ia ka kynhun yn bteng ialam da u Kishan Lyngdoh, uba la kamai 572 na phra innings, ba la ialehkai, kynthup kawei ka Spah ruh bad lai tylli ki Sanphew.U Akash Kumar Choudhury, ba la duh mih madan ar tylli ki jingialehkai u la wanphai pat na jingmynsaw, uba la ioh khur 23 wickets na lai tylli ki jingialehkai.

Ka kynhun Meghalaya na ka bynta ka Ranji Trophy plate group semifinal vs Mizoram: Akash Kumar Choudhury, Anish Charak, Arien B Sangma, Aryan Borah, Chengkam Sangma, Dippu Sangma, Jaskirat Singh Sachdeva, Kishan Lyngdoh (Captain), Pringsang Sangma, Ram Gurung, Riboklang Hynniewta, Raj Biswa, Sanvert Kurkalang, Swarajeet Das, Yogesh TiwariStandbys: Rounak Nongrum, Adarsh Joshi, Bijon Dey, Himan C Phukan, Manish K Rai, Lerry G SangmaSupport staff: Goutam Shome (head coach), Moisten Ch Marak (assistant coach), Vikash S Chauhan (trainer), Surojit Biswas (physio), Dister Marbaniang (manager)