Lada phi iakren halor ki kam pynroi, ki kam pynroi hapoh ka Jylla Meghalaya ki la kiew bha ha kine ki 6-7 snem hadien ba shimti u Conrad K Sangma, kum u Myntri Rangbah ka Jylla. Ia kane la ong da u MLA ka Amlarem Constituency u Bah Lahkmen Rymbui, “Phi peit ha kylleng ka Jylla, phi iohi hi ia ki jingkylla, la ka dei ha ka liang ka koit ka khiah, ka pule puthi, ki surok, ka jingpynpoi umbam ha ki iing ki sem, ka jingkyntiew ia ki khun samla” la ong u Bah Lahkmen.
U la bynrap ba kam pat ju don kano kano ka Sorkar Jylla, kum ka Sorkar ba ialam da u Conrad K Sangma kum u Myntri Rangbah, ka ban pynlut lane mang bun tyngka na ka bynta ka Human Resource Development. “Namar kane, ki kam pynroi khamtam ha ki Constituency jong ki MLA ba donlang hapoh ka Sorkar, ki kylla dur wat hapdeng bun ki jingeh. Hoid ki kam pynroi ki dei ki kam ba iai bteng. Ngam lah ban ong ba ngi la hun ia ki kam pynroi. Ngi dang donkam shuh” ula ong.
U MLA ka Amlarem ula ong, ia ki kam pynroi ka Sorkar Jylla la sakhi ha ka mang tyngka bad ka jingpynlut ka Sorkar. “Kine baroh ki pyni ia ka jingmang tyngka bad ka jingpynlut ka Sorkar ha ki kam pynroi ha baroh kawei ka Jylla” ula pynkut.
