Ki pulit jong ka Shillong Trafffic Police ha ka jingbteng ban pynlong iaka jingkhynra ia ki kali bad thuk thuk bad ki la lap ba kila don 684 ngut kiba la pynkheiñ ia ka aiñ. Ia kane ka jingkhmih bniah la sdang na duh ka 22 tarik haduh ka 28 tarik u Iaiong bad la pynlong ia kane da ka jingthmu ban pynthikna ba kan don ka jingshngain ha ki surok bad ban tehlakam ia ki nongniah kali bad thuk thuk kiba pynkheiñ aiñ.
“Ha kine ki sngi, palat 684 ngut kila pynkheiñ ia ki kyndon aiñ ha ka por ba ki niah ia ki kali kaba kynthup ia ka jingniah buaid, ka jingpynwandur thymmai ia ki Exhaust Pipe bad kiwei kiwei bad ka jingdaiñ kuna kaba la iohlum ka long T.6,78,000” la pynpaw u SP jongka East Khasi Hills u Rituraj Ravi.
Ula kyntu ia baroh ki nongshong shnong ba kin kiar na ka jingniah khlem akor ia ki kali bad thuk thuk bad ba kin bud ryntih ia ki kyndon aiñ. Ula pyntip ruh ba kane ka jingkhynra bad jingkhmih bniah kan iai bteng, na ka bynta ka jingbha bad jingshngaiñ ha ki surok.
