Ha Raj Bhavan pyninam ki lai jylla ia ka jinglong tynrai

Kum shibynta ka jingrakhe ia ka Ek Bharat Shreshtha

Bharat jong ka sorkar India ban pynshai ia ki paidbah na bynta ban pynkhlain ia ka jingiadei da ka jingsngewthuh jingmut hapdeng ki jaid bynriew bapher bapher na ki jylla bad ki Union Territory, ka la pynlong ia ka prokram pyninam ha Raj Bhavan Shillong kum shibynta ban rakhe ia ka jingioh jylla ka Meghalaya, Tripura bad Manipur.

Ha kane ka sngi u Lat ka Jylla u Phagu ula shim ia ka bynta kum u kongsan ha ka jingdonlang u Additional Chief Secretary, u Dr. Shakil P. Ahammed, IAS kum u symbud kongsan bad u Commissioner-Secretary jong u Lat u Dr B D R Tiwari, IAS.

Ha kane ka jingialang la ai nam bad burom ia ki nongialeh laitluid ka ri kum kynthup u Tirot Sing, Kiang Nangbah bad u Pa Togan Sangma, kiba la pha ia la len lade na bynta ka ri ban sahkynmaw.

Kham shwa haba ai jingkren pdiang u Dr B D R Tiwari, IAS ula pynkynmaw ia ki riew khraw kiba la iakhun ban pynlong ia ka jylla bad kiwei kiwei.

Ia ka jingialang la pynkut da ka jingpyninam ia ka jinglong tynrai jong ki lai jylla ha ka pyrthei.

Ia kane ka prokram la pynlong ha Raj Bhavan, Shillong ryngkat ka jingiatreilang ka tnat Arts and Culture, ka sorkar Meghalay bad ka Indian Council Cultural Relations (ICCR) Shillong.