Ka Tnad Kam Jngoh Kai ka Sorkar pdeng ka la pynbna ia ki nongjop ha ka jingiakop Best Tourism Villages Competition 2024 ha ka sngi rakhe ia ka World Tourism Day ha ka 27 tarik u Nailur ha Vigyan Bhawan, New Delhi. Ha kane sngi u Vice President ka ri India, u Jagdeep Dhankhar ula long u kongsan ha ka jingdonlang ki myntri sorkar pdeng kynthup u Gajendra Singh Shekhawat, Myntri Tourism and Culture, u Ashwini Vaishnaw, myntri Railway bad Kinjarapu Rammohan Naidu, myntri Civil Aviation, ki la pynpaw donkam ban kyntiew ia ka kam shangkai kum kawei ka lad ban wanrah ia ka shongsuk bad ia ka roi ka ka par. Ka shnong Umden bad Mawphlang na jylla Meghalaya ki la jop ha ka jingiakop napdeng 991 tylli ki shnong ba iakhun na 30 tylli ki Jylla bad UT ka ri India, bad na ki 991 ki shnong 36 tylli ki shnong ki la ioh jingithuh kum ki nongjop ha 8 tylli ki thup ka jingiakhun Best Tourism Villages 2024.
Ka shong Umden ka la ioh jingjop na ka kam thain jain bad thir ksiar be ki kam shna jingshna katba ka Mawphlang ka la jop ia ka jinglah ban pynneh pynsah ia ki deiriti ba hiar pateng. Kum ban pynpaw ka Kongthong ka ioh jingithuh ha u snem ba la dep kum kawei jaka shangkai pyrthei bad ka long ka jingsarong bad ka jingkmen ia ka jylla ka sorkar pdeng ka la ithuh mynta ia ka shnong Umden bad ka Mawphlang ki jaka shangkai ha ka ri India.La pynlong ia ka jingiakop Best Tourism Villages naduh u 2023 halor ka thong ban kyntiew ia ka kam jngohkai ha ki shnong ka ri India.
Ki nongpeit ki dei ai jingithuh ia ki shnong kiba pynneh bad kyntiew ia ki jingdon jingem ha ka deiriti bad ka mariang lyngba ki jingngeit tynrai ha ka imlang sahlang bad ka jingieng skhem na ka bynta ka jingiaineh ha baroh ki liang. Lah ban pynpaw ka jingiakhun Best Tourism Villages Competition ba byngkong ha u 2023 ka la ioh ki apikeshon na 795 tylli ki shnong. Ha ka sien ba-ar jingiakhun Best Tourism Villages Competition la ioh pdiang 991 tylli ki aplikeshon na 30 tylli ki Jylla bad UT bad na kine 36 tylli ki shnong ki la ioh jingithuh kum ki nongjop ka jingiakhun Best Tourism Villages 2024.
