Ka shad suk mynsiem kaba 3 jong ka seng Khasi Eastern west Khasi Hills District kaba la neh 3 sngi kynthik kala poi noh sha kaba kut mynta ka sngi ka 6 tarik u Jymmang 2024 hadien bala sdang ia ka haka 4 tarik u Jymmang 2024.
Ha kane ka sngi pynkut shwa ban leit sha madan Dom mawlum ban pyndep iaka shad ka kmen ban ai nguh ia u Trai Nongbuh nongthaw, ka la don shwa ka jingkren na ki riewrangbah bad ka duwai ka phirat na u president ka Seng Khasi Eastern West Khasi Hills District ha phyllaw ka iing seng khasi Pyndengumiong bad hadien kata ka la don pat sa ka jingiaid paidbah ha ryngkat ka jingshad pyni riti bad ka shad mastih na iing seng khasi pyndengumiong sha madan Dom Mawlum.
Ha kane ka sngi lawan ban iadon ryngkatlang da u Deputy Commissioner ka Eastern West Khasi Hills District u bah G. Kharmawphlang, u Asst Engineer ka DRDA u bah S.Marngar, u Syiem jong ka Hima Nongkhlaw u Paiem PM Syiemlieh, U sordar jong ka Shnong Pyndengumiong u bah Bornard Syiemiong, u sordar ka Shnong Mairang Mission u bah Equator Nongrang, Ki nongialam ka Seng Khasi West Khasi Hills District kynthup ruh ia ki nongialam ka seng Khasi sengkmie nalor kiwei kiwei kiba la shah khot sngewbha.
