Kiba haiing hasem jong ki 2 ngut ki rangbah na Ri Bhoi mynta ka sngi ki la hiar sha Tinsukia Assam na ka bynta ban leit shimti ia ka met jong kitei ki rangbah, kiba la iap na ka jingtwa khyndew katba ki dang tih dewiong ha kawei na ka par dewiong kaba don ha ka thain Tinsukia jong ka jylla Assam.Kum ban pynkynmaw, kane ka jingjia ka la jia ha ka 25 tarik u Jymmang 2024, ha kaba kitei ki rangbah na Ri Bhoi ki la shah tap shapoh hadien ka jingtwa kynsan ka khyndew, hynrei hadien ka jingwad ia ka met da ki bor ba dei peit ki la lap noh ia met jong kitei ki rangbah hynnin ka sngi Saitjain, kaba long hadien 14 sngi ka jingjia twa khyndew la ioh ban sei ia kitei ki ki metiap.
Kine ki ar ngut ki rangbah kiba la duh ia ka jingim na ka jingtih dewiong kaba ktah na ka jingtwa khyndew ki kynthup ia u Bah Phingal Umbah (24) na ka shnong Shnatyrkhang bad u John Nongrum (39) na ka Shnong Umsohlait ba hap ha Ri Bhoi District.Kumba la ioh lum jingtip u nongthoh khubor, la ong ba kiba haiing hasem naduh hynnin ka miet ki la hiar ban leit shimti ia ka met kitei ki rangbah bad mynta ka sngi u Blei ki la poi sha katei ka jaka ba la buh ia ka met ha kawei na ka Hospital bad mynta ka sngi katkum ka tyllong khubor ba la ioh lum ki ba haiing kin sa shimti noh ia met hadien ba la leh katkum ki kyndon bad ban poi noh ia ka met sha ka shnong jong ki, ba kiba haing hasem ki leh burom khatduh shuwa ban tep noh ia ka met jong ki.
Katkum tyllong khubor ba la ioh lum, la pyntip ruh ba la shai mynstep jong ka sngi u Blei la thikna ba kin poi noh sha la shnong bad ha kane ka jingleit shimti ia ka met la rah ruh da ka Ambulance ba kyrpang bad ryngkat ka jingdonlang ki ba haiing ha sem bad ba la synran lang ruh da ki bor pulit ka Ri Bhoi.
