Iaid Rally ki Auto Rickshaw ban ialap pynduhjaid ia ka jingpang TB

Nongpoh, Lber:Ban pynsaphriang sha ki paidbah ïa ka khubor shaphang ka jingïakhun ka Ri ban rad dyngkhong ia ka jingpang TB kaba la buh ia ka thong haduh u snem 2025. Ka ophis jong ka District Tuberculosis Ophisar, Ri bhoi District ha ka jingiatrei lang bad kiwei ki tnat sorkar ka la trei borbah ban pynsaphriang ïa ki khubor shaphang ka jingpang TB lem bad ki lad jingïada, ha kaba mynta ka step ki nongtrei jong ka District Tuberculosis Ophisar, Ri Bhoi District ka la pynlong ka jingiaid rally da ki Auto Rickshaw ba la sdang naduh Ophis u District Transport Ophisar bad pynkut pat ha Ïing Dorbar Hall jong ka Shnong Ïew Mawlong.

 Ka jingpynlong ïa kane ka Rally da ka tand jong ka District Tuberculosis Ophisar ka long ruh kum shibynta ka jingrakhe ïa ka World TB Month. Ha kane la sngi ki nongniah Auto kamai ki la mih ryntih da kaba sangeh shipor ban kamai ban ïa snohkti lang bad ki bor pynïaid ban pyn saphriang ïa kajuh ka khubor ha kaba ïa dei bad ka jingpang TB.

Ha ba kut jong katei ka jingïaid rally la ioh ruh ban pynlong iaka jingialang kaba lyngkot ha phyllaw iing dorbar Hall ïew mawlong hakaba ka Dr. E Kalwing District tuberculosis Ophisar Ribhoi District ka la ïoh ban saphriang ïaki khubor shapang ka jingpang TB bad ruh ka la batai shaphang kiei ki lad jingïada bad kiei ki jingsumar kiba ngi lah ban ioh naka tnad jong ka koit ka khia. Ha kane ka sngi nalor ki nongtrei jong ka koit ka khiah bad ki nongniah auto la ïa Don lang ruh da ki khynnah pule BSW 4th Semester jong ka Women’s College Shillong hakaba naka liang jong ki khynnah pule ki la ïoh ban pynbam smai sha baroh ki nong ïa shim bynta ban ïaleh pyrshah ban rad diengkhong ïa kane ka jingpang TB.