U Myntri Rangbah ka jylla u Conrad K Sangma u la ong ba ka jingpyndait ia ki kor CCTV kiba khlain bor, ka la sdang bad ka la iaid shaid shaid ban pyndait ha kylleng ki jaka ha Nongbah Shillong. Lyngba ka Smart City Projek, yn pyndait kumba 300 tylli ki CCTV ha kylleng ka nongbah, nalor ka ka Integrated Control and Command Centre (ICCC) ban buh ha IT Park ha Sor Shillong Thymmai, ban peit pyrman ia ki jingjia kylleng ka nongbah ha ka jinglut kaba T.150 klur.
U Conrad u la ong ba kine ki CCTV ki lah ban ring bad ban ithuh shai ia ka dur ka dar jong u briew ba thmu leh kam sniew. “Kin don kumba 300 tylli ki camera ban pyndait ha baroh kawei ka Sor bad kine kin khlain da ka jingdonlang ka software ban pynithuh ia ki dur khmat ki briew bad ka ICCC bad ka IT Park ba la buh, ia kaba ngi la khmih lynti ban plie ha u bnai Naitung” la ong u Conrad dang shen.
Kine ki 300 tylli ki kor ring dur kin iarap ban tehlakam ia ki riew sniew.
