Ka Akhil Bharatiya Vidyarthi Parishad (ABVP) Meghalaya Prant hapoh ka jingialam u State Secretary u Tengku M. Marak ryngkat u State Joint Secretary u bah Bomsing Khongtir lem ki dkhot ka NEC ka kong Promila Tham ki la leit ia kynduh ia ka Director General of Police (DGP) ka jylla Meghalaya, ka kong Idashisha Nongrang hynnin ka sngi.
Ha ka jingialang ki la pynsngew ia kiba bun ki kam ka ABVP ka ju trei ha kylleng ka jylla bad ka ri India. U Tengku M. Marak ula iathuh ia ki mat treikam ka ABVP kum ka kynhun ki samla pule ha ka ri, ban hikai iarap ia ki samla bad ki khynnah pule ba kin nangkiew ha ka jingpule bad kin don ka mynsiem ieit ri.
Ka kong Idashisha Nongrang ka la iaroh ia ka ABVP halor ki kam bankyntiew ia ki samla bad ka la ong, na ka liang ki ki pulit ki kloi ban iatreilang na bynta ka jingbha bad ka roi ka par ki samla pule.
