U Lamphang ka iingdorbar thaw aiñ ka Delhi u Ram Niwas Goel hynne ka sngi ula iakynduh ia u Lamphang ka ïing dorbar thawaiñ ka jylla u Thomas A Sangma ha ka ophis treikam jong u. Ia u Goel la wan ban synran lang da ka kurim ka jong u.
U Goel u dei u lamphang ba Hynniew bad u Lamphang ba mynta jong ka Delhi Legislative Assembly bad ula bat arsien ia kane ka kam Lamphang ha Delhi.
Ha kane ka jingiakynduh la donlang u Symbud Lamphang ka jylla u Timothy D. Shira bad u Myntri Sorkar ka jylla u Bah A.L. Hek kiba la pdiang sngewbha ia u Goel.
