U Lat ka jylla u CH Vijayashankar hynnin ka sngi ula leit kynduh ia u myntri rangbah duh ka Ri India u Narendra Modi ha ophis trei kam ha Nongbah Delhi kum ka dak ka jingburom. U Lat ula leit kynduh ia u myntri rangbah duh ka Ri India hadien ba la kut ka jingialang ba ar sngi jong ki Lat ka jylla ha Rashtrapati Bhavan ba la khot da ka president ka Ri India ka Droupadi Murmu.
U Lat ka jylla tang hadien shi sngi ba bam smai ula leit sha nongbah Delhi ban iakynduh ia u myntri kam poh iing ka Ri India u Amit Shah shwa ka jingialang ki Lat ka jylla.
Kiwei pat ki Lat jong ki jylla ba la leit kynduh ia u myntri rangbah duh jong ka Ri India hadien ka jingialang jong ki Lat ki kynthup Lat ka Telangana u Jishnu Dev Varma, u Lat ka Jharkhand u Santosh Gangwar, u Lat ka Chhattisgarh, u Ramen Deka, u Lat ka Sikkim u Om Prakash Mathur bad u Lat ka Rajasthan u Haribhau Kisanrao Bagde.
