Ka Jingiaseng Kynthei Nongtung Pastorate Balang Presbyterian, hapoh ka jingialam u Tymmen Basan D Sawkmie kum u Executive Secretary jong ka Pastorate hynne ka sngi Nyngkong ka la pynlong ia ka Awareness Programme pyrshah ia u Drugs/HIV AIDS, ha Madan Mawlasnai, Ri Bhoi District.
Ha kane ka jingialang la ioh ia ka jingkren na u Rev Bidonbok Syiem uba la ai jingbatai kaba bniah ha kaba iadei bad ka jingma na ka jingngop ha u Drugs bad ka jingma na ka jingpang HIV/AIDS.
U MLA ka Mawhati u Bah Charles Marngar kum u Kongsan, ula iaroh iaka Balang lyngba ka Jingiaseng Kynthei Nongtung Pastorate kaba don ka jingiohi jngai, namar ka jingsniew bad ka jingjyllei u Drug kam dei shuh tang ha sor, hynrei kala sdang ban rung wat sha ki shnong ha Nongkyndong.
Hadien kane ka Awareness programme la pynlong ruh ia ka Free Medical Camp ne ka jingai jingsumar ei da ka jingiatreilang bad ka District Medical Heath Office, Nongpoh Ribhoi District bad u MLA ka thaiñ.
