Sa 2 ngut ki briew ki la khlad ha ki jingjia aksiden bad ka jingshlei um ha ka Garo Hills bad ka jingiap briew ka la kiew sha ka 17 ngut, ong ki heh Sorkar hynne ka sngi.
Ki ar ngut ki khynnah rit ba la iap jyllop hadien ba ki la hap ha ka thliew hapoh ka shnong Bate Apal-Bangsi Apal ha North Garo Hills ha ka 5 tarik Risaw 2024, la ithuh kyrteng ka Silarin R Marak 8 snem bad Tangme R Marak 3 snem.
La iathuh kine ki khynnah 2 ngut katba ki dang ialehkai ki la hap hapoh ka thliew ba la tap ia ka um ba tih ban shna painkhana hajan iing jong ki. Namar ka jingther u slap ba khlem sangeh ha Garo Hills, ka la
wanrah ïa ka jingtwa khyndew bad ka jingshlei um bad 17 ngut ki mynsiem briew ki la duh ei ia ka jingim ba kordor ha ki jingjia bapher bapher ha ka Garo Hills, kynthup 3 ngut ha East Garo Hills, 5 ngut ha West Garo Hills, 7 ngut ha South Garo Hills bad 2 ngut ha North Garo Hills.
